Осы жылғы дүниежүзілік иммундау апталығының ұраны - «Алдын алу.Қорғау. Егу.»
Иммундау апталығының мақсаты әрбір адам спецификалық профилактика құралдарымен алдын алатын аурулардан қорғауды қажет ететінін және оған құқығы бар екенін неғұрлым терең түсінуге қол жеткізу арқылы вакцинациямен қамту деңгейін арттыру болып табылады.
Вакцинация денсаулық сақтаудың ең үлкен жетістіктерінің бірі болып табылады және бүкіл әлемде жұқпалы аурулармен күресте ең тиімді, үнемді және қолжетімді құрал ретінде танылады.
Иммундау арқылы инфекциялардан қорғау жүздеген жылдар бойы белгілі болды. Қазір бүкіл әлемде вакцинация жұқпалы аурулардың алдын-алу, тежеу және жоюдың тамаша құралы ретінде танылған. COVID-19 пандемиясы жұқпалы аурулардың шекарасы жоқ екенін еске салды.
Иммунизацияның арқасында қауіпті ауруларды жоюға болады - табиғи шешек, дифтерия, полиомиелит, қызылша, қызамық, паротит.
Сонымен қатар, басқарылатын инфекциялар бойынша қол жеткізілген игілік аясында халықтың профилактикалық егулерден бас тарту проблемасы сақталуда, бұл инфекциялық ауруларға бейім халық санының өсуіне ықпал етеді және эпидемиологиялық жағдайдың нашарлауына алып келуі мүмкін.
Вакцинаның дәрі екенін түсіну керек, тек басқа препараттарға қарағанда өте тиімді, өйткені ол аурудың, кейде өте ауыр аурудың пайда болуына жол бермейді.