ЖИТС, туберкулезге және безгекке қарсы күрес жөніндегі Жаһандық қор грантының іс-шараларын іске асыру аясында Алматы қаласында 19 желтоқсанда ЮНЭЙДС алаңында «АИТВ және ЖЖБИ жұқтыру қаупінің факторлары, Қазақстанда трансгендер адамдар үшін алдын алу және емдеу қызметтеріне қолжетімділік» зерттеуі туралы презентация өтті.
 
Бұл "ALMA-TQ" трансгендерлік бастамасы жүргізген АИТВ және ЖЖБИ алдын алу және емдеу қызметтеріне қол жеткізу бойынша трансгендерлер тобы арасында жүргізілген елдегі алғашқы ауқымды зерттеу.
 
Зерттеуге трансгендер адамдар, сондай-ақ кіші топтағы респонденттер қатысты:
- АИТВ-мен өмір сүретін трансгендер адамдар,
- трансгендер жастар,
- еркектермен жыныстық қатынасқа түсетін трансмаскулинді адамдар,
- трансгендерлік секс жұмыскерлер.
Сондай-ақ зерттеуге еліміздің 15 облысынан және қалаларынан ЖИТС орталықтары мен достық кабинеттерінің қызметкерлері қатысты.
 
Зерттеуге қатысушылар трансгендер адамдардың АИТВ және ЖЖБИ жұқтыру қаупі туралы түсінігі жоқ екенін, АИТВ инфекциясының таралу, көріну және емдеу тәсілдері туралы ақпаратты жеткілікті түрде білмейтінін атап өтті.
 
Зерттеу нәтижелері бойынша мемлекеттік және үкіметтік емес секторларға, оның ішінде құқық қорғаушыларға да, қоғамдастықтың өзіне де ұсынымдар әзірледі.