Иммунитетті сақтау айтарлықтай қиын емес, Сізге деніңіз сау болып қана қоймай, жыл бойы күш пен жігерге толы болуға көмектесетін келесі принциптерді әдетке айналдыру жеткілікті:
- Күнделікті өз рационыңызды жемістер мен көкөністермен түрлендіріп отырыңыз.
- Үнемі дене жаттығуларын жасаңыз. Спортпен шұғылданыңыз.
- Өзіңізді жақсы сезіну үшін толыққанды ұйықтаңыз. Ұйқы кезінде дене күшін қалпына келтіреді, жасушалардың регенерациясы мен барлық процестердің қайта қалпына келуі жүреді.
- Жаман әдеттерден арылыңыз. Темекі шегу иммундық жүйені әлсіретіп, ағзаны суыққа, тұмауға және басқа инфекцияларға сезімтал етеді.
- Күйзелісті бақылаңыз. Күйзеліс барлық жерде бар, бірақ оны бақылауға болады. Салауатты ұйқы, йога, белсенді демалу шаршағандықты жеңуге көмектеседі.
- Таза ауада серуендеңіз. Серуендеу тіпті бұлтты күнде де ағзаға пайдалы. Таза ауа қан тамырларының, өкпенің, жүректің және жалпы ағзаның жұмысын жақсартуға көмектеседі.
- Бөлмені желдету және үнемі ылғалды тазалау маңызды.
- Ауа-райына сәйкес киініңіз. Күзгі ауа-райы құбылмалы болып келеді.