2024 жылғы 2 желтоқсанда Қостанай облысына АҚШ-тың Қазақстандағы елшісі Даниэль Розенблюм жұмыс сапарымен келді. Бірінші күні ол облыс әкімі Қ.Ақсақаловпен кездесті. 2024 жылғы 3 желтоқсанда облыспен танысудың алғашқы нүктесі Қостанай облыстық ЖИТС алдын алу және онымен күресу жөніндегі орталығы болды.
Даниэль Розенблум Қостанайға алғаш рет келуі. Оның сапарының мақсаты американдық компаниялар көмектесе алатын аймақтық ведомстволармен кездесу, сондай-ақ өзара тиімді ынтымақтастықтың жаңа бағыттарын талқылау болды.
Сапар аясында пациенттің бағыты ретінде ұсынылған таныстыру экскурсиясы өткізілді. Елші барлық бөлімшелерге барып, Қостанай облыстық орталығының диагностикалық зертхананың жұмысы қалай ұйымдастырылғанын көрді.
Дөңгелек үстел барысында орталықтың қызметінің қорытындылары, АИТВ-инфекциясының алдын алу саласындағы жетістіктер, озық тәжірибелер туралы мәселелер талқыланды. Эпидемиологиялық жағдай мәселелеріне, UNAIDS 95-95-95 Жаһандық стратегиясына қол жеткізу нәтижелеріне ерекше назар аударылды.
Облыстық ЖИТС орталығының бас дәрігері М.Кузембаев: «Біздің орталық ДДҰ-ның халыққа және негізгі топтарға АИТВ-инфекциясына қарсы іс-қимыл жөніндегі ұсынымдарының көпшілігін белсенді түрде енгізуге тырысады. Бірлескен ведомствоаралық жұмыстың, жергілікті атқарушы органдардың қолдауының арқасында теңсіздікті және ЖИТС-ті жою үшін қажетті практикалық шараларды іске асыруға елеулі күш-жігер жұмсалуда. Мұның бәрі эпидемиологиялық жағдайды тұрақтандыру және облыста АИТВ-инфекциясының таралуына жол бермеу бойынша күш-жігердің жалпы қатысуы мен жоғары әлеуетін көрсетеді.
Сонымен қатар, дөңгелек үстелде медицина ұйымдарының басшылары АҚШ-тағы денсаулық сақтау жүйесі бойынша өздерін қызықтырған сұрақтарын қойды.
Іс - шара АҚШ-тың Қазақстандағы елшісі Д.Розенблюмнің: «Қостанай облыстық ЖИТС алдын алу және онымен күресу жөніндегі орталығына бару және UNAIDS 95-95-95 мақсаттарына қол жеткізудегі прогресті көру құрмет болды. Құрама Штаттары PEPFAR бағдарламасы арқылы осы күш-жігермен Қазақстанды қолдайды. Біз бірге барлығымызға сау болашақ құра аламыз!»,- деген сөзімен аяқталды.