Іс-шараны Қостанай облыстық ЖИТС-тің алдын алу және оған қарсы күрес орталығының мамандары ұйымдастырып, жүргізді.
Семинар барысында қатысушыларға АИТВ-ның берілу жолдары, заманауи алдын алу тәсілдері, ерте диагностиканың және антиретровирустық терапияның маңызы туралы өзекті ақпарат берілді. Сондай-ақ кәсіби қызметтегі сақтық шараларын сақтау мәселелеріне және АИТВ-мен өмір сүретін адамдарға қатысты стигматизацияны азайтуға ерекше көңіл бөлінді.
Филиал қызметкерлері талқылауға белсенді қатысып, өздерін қызықтырған сұрақтарға жауап алды және оқу-әдістемелік материалдармен қамтамасыз етілді.
Осындай іс-шараларды өткізу персоналдың хабардар болу деңгейін арттыруға, денсаулыққа жауапкершілікпен қарауды қалыптастыруға және АИТВ инфекциясының алдын алуға ықпал етеді.