Жыл сайын 1 қазанда бүкіл әлемде Халықаралық қарттар күні атап өтіледі. Бұл мереке аға буын өкілдеріне, олардың қоғамдағы рөліне және баға жетпес өмірлік тәжірибесіне арналған. Бұл күні біз үлкендерімізге олардың қамқорлығы, еңбегі мен даналық кеңестері үшін алғысымызды білдіреміз.
Жақсы дәстүр бойынша Қостанай облыстық ЖИТС-тің алдын алу және оған қарсы күрес орталығының қызметкерлері өздерінің ұстаздары мен денсаулық сақтау саласының ардагерлерін мерекемен құттықтады. Дастархан басына дәрігерлер, медбикелер және әкімшілік қызметкерлер жиналды. Олардың арасында зейнет демалысына шыққандар да, кәсіби борышын әлі күнге дейін атқарып жүргендер де болды.
Бұл жандар өздерінің бар күш-жігері мен білімін Қостанай облысында ЖИТС қызметін қалыптастыруға арнады.
Ардагерлерге жылы лебізін білдірген Қостанай облыстық ЖИТС орталығының бас дәрігері міндетін атқарушы Ж. Демеев олардың еңбегі мен мамандыққа адалдығы үшін зор құрмет пен алғысын жеткізді.
Шай үстінде аға буын өкілдері туған ұжымдарындағы еңбек жылдарын еске алып, дәрігерлік тәжірибелерінен қызықты оқиғаларымен бөлісті.
Ардагерлер өздеріне көрсетілген ықылас пен қамқорлық үшін алғыс айтып, барлық қызметкерлерге денсаулық, амандық және жаңа кәсіби жетістіктер тіледі.