2025 жылғы 1 қазанда Қостанай облыстық ЖИТС-тің алдын алу және оған қарсы күрес орталығының қызметкерлері «Қостанай қалалық ауруханасы» КМК мамандарына оқыту семинарын өткізді.
Іс-шараның негізгі тақырыбы – медициналық көмек көрсету барысында туындайтын инфекциялар болды. Семинар барысында ауруханаішілік инфекциялардың алдын алу мен бақылау мәселелері қарастырылып қана қоймай, сонымен бірге төтенше жағдайлар туындаған кезде медициналық персоналдың іс-әрекет алгоритмдеріне де назар аударылды.
Мұндай оқыту шаралары мамандардың кәсіби біліктілігін арттырып, пациенттерге көрсетілетін медициналық көмектің сапасын жақсартуға ықпал етеді.