Мамыр айының үшінші жексенбісінде Дүниежүзілік ЖИТС-тен қайтыс болған адамдарды еске алу күні атап өтіледі. Оны Қазақстанда COVID -19 пандемиясы кезінде өткізу – бұл АИТВ-инфекциясының одан әрі таралуына қарсы іс-қимыл жасауға, коронавирустық инфекциядан пациенттердің өмірі мен денсаулығын сақтауға дайын екендігін көрсетудің тағы бір мүмкіндігі.
Денсаулықты сақтау мақсатында пациенттерге ұзақ уақытқа қорымен антиретровирустық (АРВ) препараттарды қолдарына беру ұйымдастырылды. Оқшаулауда болған барлық мұқтаж адамдарға дәрі-дәрмектерді медициналық қызметкерлер үйлеріне жеткізіп отырды.
Бүгінде Қазақстан Республикасында АИТВ-инфекциясының эпидемиясы шоғырланған сатыда тұр. 2020 жылғы бірінші мамырдағы өсу қорытындысымен ел азаматтары арасында АИТВ-инфекциясының 37860 жағдайы тіркелді. Өткен жылдың ұқсас кезеңімен салыстырғанда АИТВ-инфекциясының жаңа жағдайларының 13 пайызға өсуі байқалады. АИТВ-ның жаңа жағдайларының көбеюі – бұл ВЕЦА елдері үшін жалпы тенденция болып табылады.