Адамның иммун тапшылығы вирусының вертикалдық берілуі - үш негізгі жолмен жүзеге асырылады:
1. Жүктілік кезінде плацента арқылы өтеді, бұл әсіресе кеш мерзімде маңыздылыққа иеленеді, яғни плацентаның ескіруі және оның өткізу қабілеті жоғарылаған кезде;
2. Босану кезінде нәресте жұқтырған ананың қанымен жанасқан кезде (вирустың берілу қаупі - ұрық айналасындағы сұйықтықтың сағат сайын 2%-ға мерзімнен бұрын кетуі, босану каналын құрайтын тіндердің жыртылуы кезінде артады);
3. Ана сүтімен емізу кезінде, себебі емшек сүтінде вирустың жоғары концентрациясы болады.
Біздің елімізде жүкті әйелдерді ҚР ДСМ бекітілген бұйрықтары бойынша АИТВ-ға зерттеп-қарау ережелеріне сәйкес адамның иммун тапшылығы вирусының бар болуына зерттеп-қарайды. Барлық жүкті әйелдерге талдау екі рет жүргізіледі: бірінші рет - 109,1 коды бойынша әйелдер консультациясында (ӘК) жүктілігі бойынша есепке қою кезінде, екінші рет – 109,2 коды бойынша 28-30 апта мерзімінде. 109,4 коды бойынша жүктілікті үзген кезде. Егер әйел 2 мәрте тексерілмесе, жүкті әйелдің жыныстық серіктесі АИТВ-позитивті немесе әйелдің өзі қауіп тобынан болса, онда босануға немесе ауруханаға түскен кезде медициналық мекемеге түскеннен кейін қосымша талдау экспресс-әдіспен, кейіннен ИФТ әдісімен зерттеп-қаралады.