9 қараша күні облыстық ЖИТС орталығының дәрігер-эпидемиологы Жулдыз Абдуллина Алау телеарнасының Разбудильник бағдарламасында сөз сөйледі. Онда ол АИТВ-инфекциясының берілу жолдары туралы айтты. АИТВ - тек вирусы бар сұйықтықтардың ағзаға түскен кезде ғана беріледі. Адам ағзасында АИТВ берілетін төрт сұйықтық бар: қан, ұрық, қынап бөлінділері, емшек сүті. Вирустың едәуір концентрациясы бар сұйықтықтың белгілі бір мөлшері ағзаға түсіп, вирустың тікелей қанға түсу мүмкіндігі болған жағдайда ғана вирус беріледі.
АИТВ-инфекциясының берілуінің тек үш жолы бар: жыныстық, қан арқылы және АИТВ-оң анадан балаға.