Бүгінгі таңда адамды иммун тапшылығы вирусын жұқтырудан қорғайтын тиімді вакцина жоқ.
 
Бірақ кейбір жағдайларда өзіңізді АИТВ-дан қорғау үшін АРВ препараттарын қабылдауға болады.
 
Жанасуға дейінгі профилактика
 
Егер вирусты жұқтыру қаупі болатын болса, онда арнайы дәрі-дәрмектерді үнемі және күнделікті қабылдау қажет.
 
Бірақ бұл әдіс АИТВ-инфекциясынан 100% қорғамайды, сондықтан презервативтерді, стерильді медициналық құралдарды пайдалану және есірткіден бас тарту сияқты ережелерді сақтау қажет. Сондай-ақ иммун тапшылығы вирусына тексеруден өтіп тұру керек.
 
Жанасудан кейінгі профилактика
 
АРВ-препараттары АИТВ-инфекциясымен ауыратын немесе қауіп тобындағы адаммен жанасқаннан кейін бірден қабылданады.
 
Профилактиканы 72 сағат ішінде бастау керек, өйткені одан кейін дәрі-дәрмектердің тиімділігі айтарлықтай төмендейді. Рецепт алу үшін дәрігер-инфекционистке жүгіну керек.
 
Достар, өз денсаулықтарыңызды қадағалаңыздар. АИТВ-ға тестті біздің орталықта тегін өтуге болады.