АИТВ-ға антиденелердің бар болуын анықтайтын ИФТ (иммуноферменттік талдау) талдаулары бар (бұл вирустың енуіне жауап ретінде пайда болатын арнайы ақуыздар), олар жұқтырғаннан кейін шамамен 1-3 айдан кейін дамиды. Оларды анықтау үшін ЖИТС орталығының зертханасына немесе басқа медициналық мекемеге қан тапсыру қажет. Тестілеу тегін, құпия және ерікті түрде өткізіледі.
Сондай-ақ ЖИТС орталығында сіздің қалауыңыз бойынша анонимді түрде зерттеліп-қаралуға болады, алайда зерттеп-қарау экспресс-тестілеу әдісімен жүргізілетін болады.
 
Егер сізде қауіпті жыныстық немесе инъекциялық мінез-құлық болса, тест тапсырар алдында кем дегенде үш ай күту керек. Егер сіз тесттен ерте өтсеңіз, онда нәтиже дұрыс болмауы мүмкін, өйткені адам «серонегативті терезеде» болуы мүмкін.
Серонегативті кезең деген не?
Бұл вирустың ағзаға түскен кезеңі, бірақ АИТВ-ға антиденелер әлі дамымаған немесе анықтау үшін олардың саны жеткіліксіз болған кезең. Осы кезеңде нәтиже теріс болады, әйтпесе «жалған теріс» болады. Мынаны білген және есте сақтаған жөн! АИТВ-позитивті адам «терезе кезеңінде» вирусты басқаларға жұқтыруы мүмкін.
тік мәртебе бойынша таңдамайды, ол кез-келген адамның қанында болуы мүмкін!
Өзіңе қамқор бол, АИТВ-ға зерттеліп-қарал және профилактиканың негізгі шараларын есте сақта!