Көктемнің бірінші күні 1 наурызда қазақстандықтар Алғыс айту күнін атап өтуде. Бұл күні үлкен кісілерге, туыстарға, жақындарға, достарға, әріптестерге және көмектесіп, қолдау көрсеткен барлық жандарға алғыс білдіреді.

Ең бастысы, Алғыс айту күні – бұл өткенге құрмет білдіру, депортация кезінде көрсеткен көмегі үшін бүкіл халыққа алғыс айту. Бұл мереке өсіп келе жатқан ұрпақтың бойында толеранттылық, бір-біріне деген құрмет сезімін тәрбиелейді, сондай-ақ этносаралық қатынастарды нығайтуға ықпал етеді.

Алғыс айту күніне орай барлық ұлт өкілдері қатысатын түрлі іс-шаралар өткізіледі. Қазақстандағы мереке флешмобтармен, концерттермен, іс-шаралармен сүйемелденеді. Сондай-ақ ардагерлермен кездесулер өткізіледі.

1 наурыз Қазақстан Республикасының Тұңғыш Президентінің Жарлығымен Алғыс айту күні болып бекітілді. Көктемнің бірінші күні Алғыс айту күнін қазақстандықтар кездейсоқ атап өтпейді. Осы күні 1995 жылы Нұрсұлтан Назарбаевтың бастамасымен Қазақстан халқы Ассамблеясы – елімізде тұратын барлық этностардың ұйымшылдығы, бірлігі мен достығының символына айналған институт құрылды.

ЖИТС ОО ұжымы осы тамаша күнмен шын жүректен құттықтайды және барлығына бейбіт өмір тілейді!