Халықаралық медбикелер күні жыл сайын 12 мамырда атап өтіледі. Ал, осы дата қарсаңында АИТВ-инфекциясының алдын алуға көп жылдар бойы үлес қосып келе жатқан медбикелеріміз туралы айтқымыз келеді.
 
Бүгінгі кейіпкеріміз – Облыстық ЖИТС орталығының алдын алу бөлімінің медбикесі Жалмұхамбетова Ғайния Чапаевна.
1979 жылы орта мектепті бітіріп, Қостанай медициналық училищесіне медбике мамандығына оқуға түсті.
Еңбек жолын Қостанай перзентханасында медбике болып бастады, медициналық институтты бітіргеннен кейін процессуалдық мейірбике, кейін перзентханада бас медбике болды.
Өз ісінің нағыз маманы Ғайния Чапаевна сенім пунктінде ұзақ жылдар бойы жұмыс істеп, ЖИТС орталығының қызметкерлері мен емделушілерінің арасында лайықты бедел мен құрметке ие.
Жоғары кәсіпқойлығы мен өз ісіне адалдығы үшін денсаулық сақтау басқармасы мен облыстық ЖИТС орталығының алғыс хаттарымен және құрмет грамоталарымен марапатталды.