«АИТВ-инфекциясы» диагнозы қойылған адамдарды құқықтық қорғау «Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасының Кодексімен реттеледі. Бұл біздің еліміздегі мемлекеттік, қоғамдық және жеке органдар мен ұйымдар үшін міндетті заң.

Кодекстің 99-бабы АИТВ-инфекциясының алдын алуға арналған. АИТВ жұқтырған адамдарға медициналық-әлеуметтік көмек көрсету бөлігінде 106-бапқа сәйкес мемлекет:

құпия медициналық тексерудің қолжетімділігі мен сапасы,

- динамикалық бақылауды қамтамасыз ету;

- психологиялық, құқықтық және медициналық консультациялар беру;

— кепілдік берілген көлемде тегін медициналық көмек көрсету;

— АИТВ-инфекциясының анадан ұрыққа және балаға берілу қаупін төмендету бойынша профилактикалық шараларды жүзеге асыру;

— әлеуметтік құқықтық қорғау.