АИТВ-мен өмір сүретін адамдар үшін COVID-19 алдын-алу ережелері АИТВ-сыз өмір сүретін адамдармен бірдей екенін білу маңызды.
COVID-19 жұқтырудың алдын алу үшін АИТВ-мен өмір сүретін адамдар мен халықтың негізгі топтары алдын-алудың негізгі шараларын ұстануы керек.

• Қолды сабынмен және сумен (40-60 секунд ішінде) немесе спиртті негіздегі қолға арналған дезинфекциялық құралмен (20-30 секунд ішінде) жиі жуу.
  • Компьютер пернетақтасы мен ұялы телефонды спиртті негіздегі дезинфекциялық құралмен өңдеу.
• Адамдар көп жиналатын және қоғамдық орындардан аулақ болу.
• Жөтелгенде немесе түшкіргенде аузыңыз бен мұрныңызды шынтағыңызбен немесе майлықпен жабу. Майлықты қолданғаннан кейін бірден тастау.

      •     Қызуы, ыстығы немесе жөтелі бар адамдармен тығыз қарым-қатынас жасаудан аулақ болу.
       •    Егер ауырған болсаңыз, онда үйде қалыңыз.

• Жануарлардан алынатын өнімдерді мұқият жылу өңдеуден өткізу.
• Жиі ылғалды жинау және үй-жайларды желдету керек.

 
 
COVID-19 кезінде АИТВ-мен өмір сүретін адамдар үшін емдеуді алу ережелері
 

• Қазақстанда ЖИТС-тың алдын алу және онымен күресу жөніндегі барлық қалалық және облыстық орталықтар әдеттегі режимде жұмыс істейді, телефон арқылы немесе әлеуметтік желілер арқылы өз дәрігеріңізбен байланыса алатыныңызға көз жеткізіңіз.
• Егер Сізге АИТВ-инфекциясы диагнозы қойылса және/немесе Сіз әлі де антиретровирустық терапияны қабылдамасаңыз, онда Сізге АИТВ-инфекциясын диагностикалау мен емдеудің клиникалық хаттамаларына сәйкес толық көлемде медициналық көмек көрсетілетін болады.
• Дәрігер-инфекционистің жоспарлы тексерулері мен СД4 және вирустық жүктемеге клиникалық-зертханалық зерттеулерді төтенше жағдай аяқталғанға дейін кейінге қалдыруға болады.
• Антиретровирустық терапия қабылдауда үзілістің болмағаны маңызды, егер  антиретровирустық препараттар бітіп қалса, онда өңірлік орталыққа уақтылы барыңыз – ЖИТС алдын алу және онымен күресу жөніндегі орталықтардың қызметкерлері Сізге препараттарды 1-3 айға береді.
• Егер Сіз шалғай ауданда болсаңыз, онда антиретровирустық препараттар Сіздің қалауыңыз бойынша курьер және/немесе жауапты дәрігер арқылы жеткізілуі мүмкін, осы мәселені шешу үшін телефон арқылы емдеуші дәрігермен хабарласыңыз.

 
Егер Сізде қызу, құрғақ жөтел және тыныс алу қиын болса, тәулік бойы Call-орталыққа 1406 нөміріне қоңырау шалыңыз және өз симптомдарыңыз туралы айтып беріңіз.