Облыстық ЖИТС алдын алу және онымен күресу жөніндегі орталықтың дәрігерлері қала тұрғындарын коронавирустық инфекцияның алдын алудың қарапайым ережелерін сақтауға шақырды.
Коронавирустың алдын-алудың қарапайым ережелерін сақтау өте маңызды және АИТВ-мен өмір сүретін адамдар үшін де ол ережелер бірдей.
Коронавирустың алдын алудың негізгі шараларын еске сала кетейік:

• Қолды сабынмен және сумен (40-60 секунд ішінде) немесе спиртті негіздегі қолға арналған дезинфекциялық құралмен (20-30 секунд ішінде) жиі жуу.
• Компьютер пернетақтасы мен ұялы телефонды спиртті негіздегі дезинфекциялық құралмен өңдеу.
• Адамдар көп жиналатын және қоғамдық орындардан аулақ болу.
• Жөтелгенде немесе түшкіргенде аузыңыз бен мұрныңызды шынтағыңызбен немесе майлықпен жабу. Майлықты қолданғаннан кейін бірден тастау.

      •    Қызуы, ыстығы немесе жөтелі бар адамдармен тығыз қарым-қатынас жасаудан аулақ болу.
       • Егер ауырған болсаңыз, онда үйде қалыңыз.

• Жануарлардан алынатын өнімдерді мұқият жылу өңдеуден өткізу.
• Жиі ылғалды жинау және үй-жайларды желдету керек.